ជនសង្ស័យ២នាក់ ដែលមុខសញ្ញាជួញដូរ និងប្រើប្រាស់សារធាតុញៀន ត្រូវបានកំលាំងសម្ថតកិច្ចប៉ូលីស ស្រុកត្រាំកក់ឃាត់ខ្លួន

ខេត្តតាកែវ៖ នៅថ្ងៃអាទិត្យ ១១រោច ខែអស្សុជ ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី០៤ ខែវិច្ឆិកា ឆ្នាំ២០១៨ វេលាម៉ោង១២ និង១៥នាទី កម្លាំងជំនាញអធិការដ្ឋានគរបាលស្រុកត្រាំកក់ ដោយអនុវត្តតាមបទបញ្ជា  របស់ ឯកឧត្តម ឧត្តមសេនីយ៍ទោ ស្នងការ កម្លាំងសមត្ថកិច្ចបានធ្វើការ ចុះល្បាតតាមចំណុចដងផ្លូវសំខាន់ៗ លុះដល់ចំណុចមុខកុងសុីកាប់ជ្រូក ស្ថិតនៅភូមិត្រពាំងខ្លូត ឃុំអង្គតាសោម ស្រុកត្រាំកក់ ខេត្តតាកែវ ដោយ មានការសង្ស័យសមត្ថកិច្ចក៏បានធ្វើឃាត់ខ្លួន និងឆែកឆេរទៅលើជនសង្ស័យ០២នាក់ៈ ១.ឈ្មោះ ចាន់ សុវណ្ណ ភេទប្រុស អាយុ២៣ឆ្នាំ រស់នៅភូមិប្រហ៊ូត សង្កាត់រការក្រៅ ក្រុងដូនកែវ ខេត្តតាកែវ(ជាមុខសញ្ញាជួញដូរ និងប្រើប្រាស់សារធាតុញៀនសកម្ម)។ ២.ឈ្មោះ ជន ភក្តី ភេទប្រុស អាយុ២៧ឆ្នាំ រស់នៅភូមិថ្នល់បំបែក សង្កាត់រការក្នុង ក្រុងដូនកែវ ខេត្តតាកែវ(ជាមុខសញ្ញាជួញដូរ និងប្រើប្រាស់សារធាតុញៀនសកម្ម)។ ដកហូតវត្ថុតាងបានរួមមាន៖ ម៉្សៅក្រាមពណ៌សថ្លា ចំនួន៤កញ្ចប់តូច ទូរស័ព្ទ០១គ្រឿង ម៉ូតូម៉ាកSUZUKIលែត ពណ៌ខ្មៅ គ្មានស្លាកលេខ០១គ្រឿង កញ្ចប់បារីសំរាប់ដាក់ថ្នាំញៀន០១កញ្ចប់ ប្រដាប់ជក់ និងប្រដាប់វេចខ្ចប់មួយចំនួនទៀត។
  ករណីនេះសមត្ថកិច្ចយើងកំពុងកសាងសំណុំរឿងតាមនិតិវិធីច្បាប់៕