សម្ថតកិច្ចប៉ូលីសស្រុកត្រាំកក់ ឃាត់ខ្លួនជនសង្ស័យម្នាក់ រួមនិងថ្នាំញៀន

ខេត្តតាកែវ ៖  ដោយអនុវត្តតាមការណែនាំរបស់ឯកឧត្តម ឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ  អំពីបញ្ហាបទល្មើសគ្រឿងញៀន នៅតាមមូលដ្ឋាន នៅវេលាម៉ោង២១៖៤៥នាទី ថ្ងៃព្រហស្បតិ៍ ៨ រោច ខែអស្សុជ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី១ ខែវិច្ឆិកា ឆ្នាំ២០១៨ កម្លាំងជំនាញ អធិការដ្ឋាននគរបាលស្រុកត្រាំកក់ សហការជាមួយកម្លាំងប៉ុស្ដិ៍នគរបាលរដ្ឋបាលត្រាំកក់ ចុះបង្ក្រាបមុខសញ្ញាជួញដូរ និងប្រើប្រាស់ដោយខុសច្បាប់ នូវសារធាតុញៀននៅចំណុចមុខផ្សារត្រាំកក់ ស្ថិតក្នុងភូមិត្រពាំងរំពាក់ ឃុំត្រាំកក់ ស្រុកត្រាំកក់ បានឃាត់ខ្លួនជនសង្ស័យ ០១នាក់ ឈ្មោះ ជា ឧត្តម ភេទប្រុស អាយុ ១៨ឆ្នាំ រស់នៅភូមិឈើទាលថ្គោល ឃុំគុស ស្រុកត្រាំកក់ (មុខសញ្ញាជួញដូរ និងប្រើប្រាស់ ដោយខុសច្បាប់នូវសារធាតុញៀន យ៉ាងសកម្ម) ព្រមទាំងដកហូតវត្ថុតាងរួមមាន៖ ម្សៅក្រាមពណ៌សថ្លាចំនួន ០៣កញ្ចប់តូច ទូរស័ព្ទដៃ ០២គ្រឿង ម៉ូតូ០១គ្រឿង និងកាតាបដាក់សម្លៀកបំពាក់ ០១ ។ បច្ចុប្បន្នជនសង្ស័យ និងវត្ថុតាង កម្លាំងជំនាញកំពុងកសាងសំណុំរឿងតាមនីតិវិធី ។