តាកែវ៖ នារសៀលថ្ងៃព្រហស្បតិ៍ ០៦កេីត ខែមិគសិរ ឆ្នាំច សំរិទ្ធស័ក ព.ស ២៥៦២ ត្រូវថ្ងៃទី ១៣ ខែធ្នូ ឆ្នាំ២០១៨ ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ បានអញ្ជើញប្រកាសទទួលស្គាល់ជាផ្លូវការ លោក កង អាណាន់ ជាអភិបាលក្រុងដូនកែវថ្មី ជំនួសលោក មូល វិចិត្រ ដែលត្រូវទទួលភារកិច្ចថ្មី ដែលពិធ៏ប្រកាសនេះបានប្រារព្ធធ្វើឡើងនៅសាលប្រជុំទីចាត់ការនិងវិនិយោគខេត្តតាកែវ។
ក្នុងឱកាសនោះដែរ ឯកឧត្ដម អ៊ូច ភា អភិបាលខេត្តតាកែវ បានផ្ដាំផ្ញើដល់លោក កង អាណាន់ និងអាជ្ញាធរក្រុងដូនកែវទាំងអស់ ត្រូវរួមគ្នាសហការល្អ សាមគ្គីភាពផ្ទៃក្នងឲ្យបានល្អ ក្នុងការបំពេញភារកិច្ចបំរើសេវាសាធារណៈជូនប្រជាពលរដ្ឋ និងចេះជួយយកចិត្តទុកដាក់ទុក្ខធុរៈបស់ប្រជាពលរដ្ឋនៅមូលដ្ឋាន ពេលជួបការលំបាក។ ជាពិសេសចូលរួមទប់ស្កាត់ បង្ការបង្រ្កាបរាល់បទល្មើសផ្សេងៗ ក្នុងមូលដ្ឋាន ដើម្បីចូលរួមអនុវត្តន៍គោលនយោបាយភូមិឃុំមានសុវត្ថិភាព របស់រាជដ្ឋាភិបាលកម្ពុជា តំណាក់កាលទី៣ ក្រោមការដឹកនាំ ដោយ សម្ដេចអគ្គមហាសេនាបតី ហ៊ុន សែន បានកសាងប្រទេសជាតិតាំងពីបាតដៃទទររហូតដល់មានការរីកចំរើនដូចសព្វថ្ងៃ៕
0 comments:
Post a Comment