ឯកឧត្ដមអភិបាលខេត្តតាកែវ អញ្ជើញជួបសំណេះសំណាលជាមួយប្រជាពលរដ្ឋ និងប្រកាសផ្ដល់ផ្លូវចាក់បេតុង១ខ្សែ ប្រវែង១៧០០ម៉ែត្រ

ខេត្តតាកែវ៖ នាព្រឹកថ្ងៃសៅរ៍ ១ កើត ខែមិគសិរ ឆ្នាំច
សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី៨ ខែធ្នូ ឆ្នាំ២០១៨ ឯកឧត្ដម អ៊ូច ភា អភិបាលនៃគណៈអភិបាលខេត្តតាកែវ លោក ឧកញ៉ា ប៉ោ សួន អនុប្រធានក្រុមការងារចុះជួយឃុំព្រះបាទជាន់ជុំ បានអញ្ជើញជួបសំណេះសំណាលជាមួយបងប្អូនប្រជាពលរដ្ឋ ៣៥០នាក់ និងប្រកាសផ្ដល់ផ្លូវចាក់បេតុង១ខ្សែ ប្រវែង១៧០០ម៉ែត្រ ស្ថិតនៅភូមិត្រើយទន្លាប់ ឃុំព្រះបាទជាន់ជុំ ស្រុកគិរីវង់ ខេត្តតាកែវ ដើម្បីជាឆ្លើយតបទៅនឹងការដឹងគុណ របស់បងប្អូនប្រជាពលរដ្ឋ ដែលបានបោះឆ្នោតគាំទ្រគណបក្សប្រជាជនកម្ពុជា ដែលមានសម្ដេចតេជោ ហ៊ុន សែន ប្រធានគណបក្ស ដែលបានដឹកនាំនាវាកម្ពុជាឈានឆ្ពោះទៅរកភាពរីកចំរើនលើគ្រប់វិស័យ៕