ឯកឧត្តម ឧត្តម​សេនីយ៍​ទោ សុខ សំណាង ​ដឹកនាំ​ប្រតិភូនៃស្នងការដ្ឋានខេត្តអបអរសាទរ និងជូនពរ​ដល់ មេបញ្ជាការយោធាការពារព្រំដែនខត្តអានយ៉ាង

ខេត្តតាកែវ៖ នៅថ្ងៃពុធ ៣រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី២៣ ខែមករា ឆ្នាំ២០១៩ ឯកឧត្តម ឧត្តម​សេនីយ៍​ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ បាន​ដឹកនាំ​ប្រតិភូនៃស្នងការដ្ឋានខេត្ត បន្តដំណើរ អញ្ជើញជួបសំណេះសំណាល អបអរសាទរ និងជូនពរ​ដល់ មេបញ្ជាការយោធាការពារព្រំដែនខត្តអានយ៉ាង

ព្រមទាំងសហការី នៅក្នុងក្រុងចូវដុក ខេត្តអានយ៉ាង ប្រទេសវៀតណាម។
ក្នុងឱកាសបុណ្យចូលឆ្នាំប្រពៃណីជាតិវៀតណាម ឆ្លៀតក្នុងឱកាសនោះដែរ លោកមេបញ្ជាការ បានថ្លែងអំណរគុណដល់ ឯកឧត្តម ឧត្តមសេនីយ៍ទោ ស្នងការនគរបាលខេត្តតាកែវ ដែល​បាន​ដឹកនាំ​ប្រតិភូ អញ្ជើញ​ម​កសួរសុខទុក្ខសំណេះសំណាល ​អបអរសាទរ និងជូនពរ ព្រមទាំងជូនកាដូរអនុស្សាវរីយ៍ នាឱកាសបុណ្យចូលឆ្នាំប្រពៃណីជាតិវៀតណាមខាងមុខនេះ។ ដើម្បីស្តែងចេញនូវចំណងមិត្តភាព សាមគ្គីភាព សហប្រត្តិបត្តការរវាងកងកម្លាំងតាមបន្ទាត់ព្រំដែននៃប្រទេសទាំងពីរផងដែរ៕