ស្នងការរងនគរបាលខេត្តតាកែវ នាំយកថវិកាសមាគមមិត្តនគរបាលជាតិ ចំនួន៦លានរៀល ជូនដល់គ្រួសារមរណភាព

ខេត្តតាកែវ៖ នាព្រឹកថ្ងៃអង្គារ ៩រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវថ្ងៃទី២៩ ខែមករា ឆ្នាំ២០១៩ លោកវរសេនីយ៍ឯក ឃី វណ្ណា ស្នងការរងទទួលផែនការងារគ្រប់គ្រងធនធានមនុស្ស និង ក្រុមការងារ នៃស្នងការដ្ឋាននគរបាលខេត្តតាកែវ  នឹងសហការី បាននាំយកថវិកាសមាគមន៍មិត្តនគរបាលជាតិចំនួន៦លានរៀល ប្រគល់ជូនដល់ លោកស្រីទូច គានី ត្រូវជាភរិយា សព លោកដួង សុខុម មន្ត្រីនគរបាលចូលនិវត្តន៍ បានទទួលមរណះភាព (ស្លាប់ដោយជម្ងឺរោគាពាធ) ស្ថិតនៅភូមិពោធិ ឃុំព្រះបាទជាន់ជុំ ស្រុកគិរីវង់ ខេត្តតាកែវ។

ថ្លែងក្នុងឱកាសនោះដែរ លោកវរសេនីយ៍ឯក ឃី វណ្ណា ស្នងការរងនគបាល បានសំណេះសំណាលជាមួយក្រុមគ្រួសារសព ហើយបានពាំនាំនូវការផ្តាំផ្ញើសាកសួរសុខទុក្ខ និងចូលរួមរំលែកទុក្ខ ពីសំណាក់ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានកិត្តិយសសមាគមមិត្តនគរបាលជាតិកម្ពុជា និងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានគណៈកម្មាធិការកណ្តាល សមាគមមិត្តនគរបាលជាតិកម្ពុជា និងឯកឧត្តម ស្នងការនគរបាលខេត្តតាកែវ ជាប្រធានគណៈកម្មាធិការមូលដ្ឋានសមាគមមិត្តនគរបាលជាតិ នៃស្នងការដ្ឋាននគរបាលខេត្តផងដែរ៕

Read More

ឯកឧត្តមឧត្តមសេនីយ៍ទោ សុខ សំណាង អញ្ជើញចូលរួមកិច្ចប្រជុំបូកសរុបវាយតម្លៃសភាពការណ៍ និងលទ្ធផលកិច្ចសហប្រតិបត្តិការ រវាងស្នងការដ្ឋាននគរបាលខេត្តកណ្តាល តាកែវ​ នៃព្រះរាជាណាចក្រកម្ពុជា ជាមួយមន្ទីរនគរបាលខេត្តអានយ៉ាង នៃសាធារណៈរដ្ឋសង្គមនិយមវៀតណាម

ខេត្តតាកែវ៖ ព្រឹកថ្ងៃចន្ទ ៨រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៨  ខែមករា ឆ្នាំ២០១៩ នៅសាលប្រជុំស្នងការដ្ឋាននគរបាលខេត្តកណ្តាល មានរៀបចំកិច្ចប្រជុំបូកសរុបវាយតម្លៃសភាពការណ៍ និងលទ្ធផលកិច្ចសហប្រតិបត្តិការ រវាងស្នងការដ្ឋាននគរបាលខេត្តកណ្តាល តាកែវ​ នៃព្រះរាជាណាចក្រកម្ពុជា ជាមួយមន្ទីរនគរបាលខេត្តអានយ៉ាង នៃសាធារណៈរដ្ឋសង្គមនិយមវៀតណាម

។
          ពិធីនេះដែរស្ថិតក្រោមអធិបតីភាពដ៏ខ្ពង់ខ្ពស់ ឯកឧត្តម ឧត្តមសេនីយ៍ទោ អ៊ាវ ចំរើន ស្នងការនគរបាលខេត្តកណ្តាល ជាប្រធានអង្គប្រជុំ ឯកឧត្តម ឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ នៃព្រះរាជាណាចក្រកម្ពុជា និងលោកឧត្តមសេនីយ៍ត្រី ប៊ួយ ប៊ែទឺ  នាយកមន្ទីរនគរបាលខេត្តអានយ៉ាង នៃសាធារណរដ្ឋសង្គមនិយមវៀតណាម ដោយមានការអញ្ជើញចូលរួមពីប្រតិភូនគរបាលខេត្តទាំងបី​។
​         មានមតិលេីកឡេីងក្នុងឱកាសនោះ​ ថ្នាក់ដឹកនាំនគរបាលខេត្តទាំងបី​បានវាយតម្លៃខ្ពស់ចំពោះលទ្ធផលកិច្ចសហប្រតិបត្តិការ​ ក្នុងការរក្សាសន្តិសុខ​ សណ្តាប់ធ្នាប់នៅតាមតំបន់ព្រំដែននៃប្រទេសទាំងពីរ​ និងបានប្តេជ្ញារួមគ្នា ក្នុងកិច្ចសហប្រតិបត្តិការបន្តរយៈពេល០៦ខែដើមឆ្នាំ២០១៩ជាមួួយគ្នាឱ្យកាន់តែប្រសើរឡេីងថែមទៀត។
         ក្នុងឱកាសនោះដែរ ឯកឧត្តមគណៈអធិបតីបានជូនវត្ថុអនុស្សាវរីយ៍ ជានិមិត្តរូបដេីម្បីបង្កេីនចំណងសាមគ្គីភាព​ មិត្តភាព ទំនាក់ទំនងជាប្រពៃណី​ និងសហប្រតិបត្តិការរវាងខេត្ត និងខេត្តដែលមានព្រំប្រទល់ជាប់គ្នាផងដែរ៕

Read More

ប្រជាពលរដ្ឋមួយឃុំផ្ទុះការតវាជាមួយប្រធានស្ថានីយ៍បូមទឹកដែលយកថ្លៃសេវាទឹកធ្វើស្រែខុសសន្យា

ខេត្តតាកែវ ៖ ប្រជាពលរដ្ឋជាច្រើនរយនាក់នៅស្រុកអង្គរបូរី ខេត្តតាកែវ បានផ្ទុះការតវាទាំងព្រឹកនៅសាលាឃុំព្រៃផ្គាំឲ្យអាជ្ញាធរជួយដោះស្រាយ ដោយបានចោទលោកប្រធានសហគមន៍ផ្គត់ផ្គង់ទឹកសម្រាប់ធ្វើស្រែប្រាំង ថាបានកេញចំណេញពួកគាត់តាមរបៀបជាន់កដកស្លាប់ទាំងរស់។

ក្រុមប្រជាពលរដ្ឋមួយឃុំនៅស្រុកអង្គរបូរី ខេត្តតាកែវ នៅព្រឹកថ្ងៃទី២៦ ខែមករា ឆ្នាំ២០១៩នេះ បាននាំគ្នាមកប្រមូលផ្តុំសាលាឃុំទាំងព្រឹកដើម្បីឲ្យអាជ្ញាធរជួយដោះស្រាយពួកគាត់ ខណៈដែលប្រធានសហគមន៍ផ្គត់ផ្គង់ទឹកសម្រាប់ស្រោចស្របស្រែប្រាំងពួកគាត់ប្រែក្រឡាសសម្តីក្នុងការយកថ្លៃសេវាផ្គត់ផ្គង់ទឹកខុសពីសន្យាដែលធ្លាប់ធ្វើ ជាហេតុធ្វើឲ្យពួកគាត់ជួបប្រទះនូវការខាត់បង់យ៉ាងធ្ងន់ធ្ងរ។ តាមការឲ្យដឹងពីក្រុមប្រជាពលរដ្ឋទាំងនោះបាននិយាយថា តាមកិច្ចសន្យា ដំណាក់កាលធ្វើស្រែលើទី១ ពួកគាត់ត្រូវបង់ថ្លៃសេវាផ្គត់ផ្គង់ទឹកដោយគិតជាស្រូវចំនួន៣៥០គីឡូក្រាមក្នុងមួយហិកតា លុះដល់ដំណាក់កាលធ្វើស្រែលើកទី២ ពួកគាត់ត្រូវបង់លុយ១៧ម៉ឺនរៀលវិញ។ កិច្ចសន្យានេះត្រូវបានធ្វើជាច្រើនឆ្នាំមកហើយ លុះមកដល់ឆ្នាំនេះបែរជាលោកប្រធានសហគមន៍ ឈ្មោះ ឈុន សារិន អនុវត្តការយកថ្លៃសេវាផ្គត់ផ្គង់ទឹកទាំងពីរលើកគិតជាស្រូវ៣៥០គីឡូក្រាមក្នុង១ហិកតាខុសពីសន្យាទៅវិញ ដែលនាំឲ្យពួកគាត់ត្រូវចំណាយបន្ថែមពី៧ទៅ៨ម៉ឺនរៀលទៀតក្នុង១ហិកតា។ ជុំវិញករណីនេះ លោក មិន ម៉ៅ មេឃុំព្រៃផ្គាំបានប្រាប់អ្នកយកព័ត៌មានយើងឲ្យដឹងថា លោកមិនហ៊ានអាកាត់នោះទេចំពោះបញ្ហាដែលកំពុងតែកើតមាននេះ ព្រោះវាជាសិទ្ធរបស់លោកប្រធានសហគមន៍ដែលគាត់បានដេញថ្លៃសម្រាប់ការផ្គត់ផ្គង់ទឹកធ្វើស្រែនេះបាន ហើយលោកនិងហៅលោក ឈុន សារិន ប្រធានសហគមន៍មកដោះស្រាយគ្នានៅព្រឹកថ្ងៃទី២៧ ខែមករា ឆ្នាំ២០១៩ ដើម្បីរកដំណោះស្រាយគ្នាជាមួយនិងប្រជាពលរដ្ឋ។ ក្រុមប្រជាពលរដ្ឋទាំងនោះបានធ្វើការសំណូមពរដល់អាជ្ញាធរពាក់ព័ន្ធមាន លោក ឌឹម គឹមសាន អភិបាលស្រុកអង្គរបូរី ពិសេសលោក អ៊ូច ភា អភិបាលនៃគណៈអភិបាលខេត្តតាកែវ ជួយរកដំណោះស្រាយឲ្យពួកគាត់ផងកុំឲ្យម្ចាស់ស្ថានីយ៍ ផ្គត់ផ្គងទឹកនេះធ្វើអ្វីខុសពីកិច្ចសន្យា របៀបជាន់កដកស្លាបយ៉ាងដូច្នេះ។

សូមបញ្ជាក់ដែរថា ប្រធានសហគមន៍ផ្គត់ផ្គង់ទឹកសម្រាប់ធ្វើស្រែប្រាំងនេះ បានទទួលសិទ្ធដោយការដេញថ្លៃគ្នា សម្រាប់លក់ទឹកឲ្យពលរដ្ឋធ្វើស្រែ និងបានស្តាប្រឡាយយកទឹកសម្រាប់ផ្គត់ផ្គង់ ក្នុងនោះប្រជាពលរដ្ឋ៦ភូមិនៅឃុំព្រៃផ្គាំទាំងមូលកំពុងតែប្រើប្រាស់នូវសេវាផ្គត់ផ្គង់ទឹកពីស្ថានីយ៍ដែលគ្រប់គ្រងដោយលោក ឈុន សារិន។

Read More

ឯកឧត្តម​ ឧត្តមសេនីយ៍​ទោ សុខ សំណាង ដឹកនាំ​ប្រតិភូអញ្ជើញទៅប្រទេសវៀតណាម អបអរសាទរ និងជូនពរដល់ ថ្នាក់ដឹកនាំ និងមន្ត្រីនគរបាល នៃស្នងការដ្ឋាននគរបាលខេត្តគៀងយ៉ាង

ខេត្តតាកែវ៖ នៅរសៀលថ្ងៃព្រហស្បតិ៍ ៤រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី២៤ ខែមករា ឆ្នាំ២០១៩ ឯកឧត្តម​ ឧត្តមសេនីយ៍​ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ បាន​ដឹកនាំ​ប្រតិភូនៃស្នងការដ្ឋាននគរបាលខេត្តតាកែវ អញ្ជើញទៅប្រទេសវៀតណាម ដើម្បីជួបសំណេះសំណាល អបអរសាទរ និងជូនពរដល់ ថ្នាក់ដឹកនាំ និងមន្ត្រីនគរបាល នៃស្នងការដ្ឋាននគរបាលខេត្តគៀងយ៉ាង។
    ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាមខាងមុខនេះ ឆ្លៀតក្នុងឱកាសនោះដែរ សមាសភាពភាគីបានថ្លែងអំណរគុណដល់ ឯកឧត្តម ឧត្តមសេនីយ៍ទោ ស្នងការនគរបាលខេត្តតាកែវ ដែល​បាន​ដឹកនាំ​ប្រតិភូ អញ្ជើញ​ម​កសួរសុខទុក្ខសំណេះសំណាល ​អបអរសាទរ និងជូនពរ ព្រមទាំងជូនវត្ថុអនុស្សាវរីយ៍ទៅវិញទៅមកក្នុងកាយវិការសម្តែងចេញនូវការរក្សាកិច្ចសហប្រតិបត្តិការល្អ រឹតចំណងសាមគ្គីភាព មិត្តភាព រវាងខេត្ត និងខេត្តជាប់ ព្រំដែននៃប្រទេសទាំងពីរ៕

Read More

ឯកឧត្តម ឧត្តម​សេនីយ៍​ទោ សុខ សំណាង ដឹកនាំ​ប្រតិភូនៃស្នងការដ្ឋាននគរបាលខេត្តតាកែវ អបអរសាទរ និងជូនពរ​ដល់ មេបញ្ជាការយោធាការពារព្រំដែនខត្តគៀងយ៉ាង នៃសាធារណរដ្ឋសង្គមនិយមវៀតណាម

ខេត្តតាកែវ៖ នៅព្រឹកថ្ងៃព្រហស្បតិ៍ ៤រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី២៤ ខែមករា ឆ្នាំ២០១៩ ឯកឧត្តម ឧត្តម​សេនីយ៍​ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ បាន​ដឹកនាំ​ប្រតិភូនៃស្នងការដ្ឋាននគរបាលខេត្តតាកែវ បន្តដំណើរ អញ្ជើញជួបសំណេះសំណាល អបអរសាទរ និងជូនពរ​ដល់ មេបញ្ជាការ និងសហការី យោធាការពារព្រំដែនខត្តគៀងយ៉ាង នៃសាធារណរដ្ឋសង្គមនិយមវៀតណាម។
ក្នុងឱកាសបុណ្យចូលឆ្នាំប្រពៃណីជាតិវៀតណាម ឆ្លៀតក្នុងឱកាសនោះដែរ លោក មេបញ្ជាការរង តំណាងឲ្យលោកមេបញ្ជាការយោធា បានថ្លែងអំណរគុណដល់ ឯកឧត្តម ឧត្តមសេនីយ៍ទោ ស្នងការនគរបាលខេត្តតាកែវ ដែល​បាន​ដឹកនាំ​ប្រតិភូ អញ្ជើញ​ម​កសួរសុខទុក្ខសំណេះសំណាល ​អបអរសាទរ និងជូនពរ ព្រមទាំងជូនវត្ថុ អនុស្សាវរីយ៍ នាឱកាសបុណ្យចូលឆ្នាំប្រពៃណីជាតិវៀតណាមខាងមុខនេះ។ ដើម្បីស្តែងចេញនូវចំណងមិត្តភាព សាមគ្គីភាព សហប្រតិបត្តិការរវាងកងកម្លាំងតាមបន្ទាត់ព្រំដែននៃប្រទេសទាំងពីរផងដែរ៕

Read More

ឯកឧត្តម ឧត្តម​សេនីយ៍​ទោ សុខ សំណាង ដឹកនាំ​ប្រតិភូនៃស្នងការដ្ឋានខេត្ត អញ្ជើញទៅប្រទេសវៀតណាមអបអរសាទរ និងជូនពរ​ដល់ មេបញ្ជាការយោធភូមិភាគទី៩ ព្រមទាំងសហការកងទ័ព នៃសាធារណៈរដ្ឋសង្គមនិយមវៀតណាម នៅក្នុងខេត្តកាំងធឺ

ខេត្តតាកែវ៖ នៅរសៀលថ្ងៃពុធ ៣រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី២៣ ខែមករា ឆ្នាំ២០១៩ ឯកឧត្តម ឧត្តម​សេនីយ៍​ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ បាន​ដឹកនាំ​ប្រតិភូនៃស្នងការដ្ឋានខេត្ត អញ្ជើញទៅប្រទេសវៀតណាម ដើម្បីជួបសំណេះសំណាល អបអរសាទរ និងជូនពរ​ដល់ មេបញ្ជាការយោធភូមិភាគទី៩ ព្រមទាំងសហការកងទ័ព នៃសាធារណៈរដ្ឋសង្គមនិយមវៀតណាម នៅក្នុងខេត្តកាំងធឺ

។
ក្នុងឱកាសបុណ្យចូលឆ្នាំប្រពៃណីជាតិវៀតណាម ឆ្លៀតក្នុងឱកាសនោះដែរ សមាសភាគីបានថ្លែងអំណរគុណដល់ ឯកឧត្តម ឧត្តមសេនីយ៍ទោ ស្នងការនគរបាលខេត្តតាកែវ ដែល​បាន​ដឹកនាំ​ប្រតិភូ អញ្ជើញ​ម​កសួរសុខទុក្ខសំណេះសំណាល ​អបអរសាទរ និងជូនពរ ព្រមទាំងជូនកាដូរអនុស្សាវរីយ៍ នាឱកាសបុណ្យចូលឆ្នាំប្រពៃណីជាតិវៀតណាមខាងមុខនេះ។ ដើម្បីស្តែងចេញនូវចំណងមិត្តភាព សាមគ្គីភាព សហប្រត្តិបត្តការរវាងកងកម្លាំងតាមបន្ទាត់ព្រំដែននៃប្រទេសទាំងពីរផងដែរ។

Read More