ប្រធាន​ក្រុមយុវជន ខ៤ សាខាខេត្តតាកែវ​ព្រមទាំង​សហការី នាំយកថវិកានិងគ្រឿងឧបភោគ-បរិភោគដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន​ សែន​ និងសម្ដេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុន​ សែន​ ជូនប្រជាពលរដ្ឋខ្វះខាតចំនួន ៤គ្រួសារ​

តាកែវ..ររសៀលថ្ងៃទី៣០ ខែមិថុនា ឆ្នាំ២០១៩​ លោក​ សាយ​ វណ្ណៈ ប្រធាន​ក្រុមយុវជន ខ៤ សាខាខេត្តតាកែវ​ព្រមទាំង​សហការី បាននាំយកថវិកា​និងគ្រឿងឧបភោគ-បរិភោគដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន​ សែន​ និងសម្ដេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុន​ សែន​ ទៅផ្តល់ជូនប្រជាពលរដ្ឋខ្វះខាត​ចំនួន ៤គ្រួសារ​ ស្ថិតក្នុងឃុំអង្គកែវ ស្រុកទ្រាំង ខេត្តតាកែវ​ ។​
 
លោក​ សាយ​ វណ្ណៈ​ បានពាំនាំប្រសាសន៍ផ្តាំផ្ញើសាកសួរសុខទុក្ខពីសំណាក់​ នាយឧត្តមសេនីយ៍កិត្តិបណ្ឌិត ជូនលោកយាយ​ លោកតា​ ពូមីង​ផងដែរ ។
លោក​ សាយ​ វណ្ណៈ​ បានឡេីងបន្តថា៖​ គណបក្សប្រជាជនកម្ពុជា​ ជាគណបក្សមានវ័យចំណាស់​ធំជាងគេ មានភាពចាស់ទុំខាងផ្នែកនយោបាយ​ មានគុណបំណាច់រំដោះប្រជាជន​ និងប្រទេសជាតិឲ្យរួចផុតពីរបបប្រល័យពូជសាសន៍ប៉ុល​ ពតទេីបកម្ពុជាមានអ្វីៗដូចសព្វថ្ងៃនេះ ។
ក្នុងឱកាសនោះដែរលោក​ សាយ​ វណ្ណៈ​ ក៏បានសំណូមពរដល់លោកតា លោកយាយ ពូមីង ចូលរួមចំណែកថែរក្សា ការពារ សុខសន្តិភាព ស្ថិរភាពនយោបាយ​អោយបានគង់វង្សយូរអង្វែងជាអមតៈ ដើម្បីកំណេីនការងារ​ និងសេដ្ឋកិច្ច​នាំនាវាកម្ពុជាឆ្ពោះទៅរកការអភិវឌ្ឍកាន់តែឆាប់រហ័សនាពេលអនាគត ៕