ពលរដ្ឋនៅក្នុងក្រុងដូនកែវ មានការរអ៊ូរទាំសឹងតែគ្រប់ៗគ្នា បន្ទាប់ពីមានភ្លើងដាច់ប្រើប្រាស់មិនគ្រប់គ្រាន់ តែបែជាបរិមាណនៃការប្រើប្រាស់ឡើងទ្វេដងទៅវិញ

តាកែវ៖ ពលរដ្ឋរស់ក្នុងក្រុងដូនកែវ ម្នាក់ណាក៏ដូចជាម្នាក់ណាដែរ នាំគ្នារអ៊ូរទាំចំពោះការប្រើប្រាស់ថាមពលអគ្គីសនី ដែលប្រើប្រាស់ជាប្រចាំនៅតាមគេហដ្ឋានរបស់ខ្លួន ដោយកាលពីមុន មិនដែលដាច់ភ្លើង ឬរអាក់រអួលម្តងណាឡើយ ហើយមានថាមពលអគ្គីសនីប្រើប្រាស់ក្នុងផ្ទះធម្មតា តម្លៃ បរិមាណប្រើប្រាស់សមរម្យនិងទទួលយកបាន តែមកដល់ពេកនេះ បន្ទាប់ពីខាង EDC តាកែវ បានផ្លាស់ប្តូរនៅប្រព័ន្ធប្រើប្រាស់មួយចំនួន ដែលប្រើសម្រាប់ផ្គត់ផ្គង់ភ្លើងអោយប្រជាពលរដ្ឋកាលពី ខែមិនា ឆ្នាំ២០១៩មក ស្រាប់តែអគ្គីសនីដែលប្រើប្រាស់នៅក្នុងក្រុងដូនកែវ ចាប់ផ្តើមរអាក់រអួល និងដាច់ភ្លើងជាញឹកញប់ដែរ ហើយអ្វីដែលគួរអោយងើយឆ្ងល់ខ្លាំងបំផុត និងកើតជាប្រធានបទចម្ងល់រាល់ថ្ងៃរបស់ពលរដ្ឋរស់ក្នុងក្រុងដូនកែវនោះ គឺភ្លើងប្រើប្រាស់គ្រាប់គ្រាន់ដូចរាល់ដងទេ បន្តិច ដាច់ ៗ មួយខែដាច់ភ្លើង ៤ ទៅ ៥ដង តែបែជាបរិមាណនៃការប្រើប្រាស់របស់ប្រជាពលរដ្ឋមួយចំនួន មានការកើនឡើងទ្វេដងទៅវិញ ដោយកើនឡើងជាងមុន ៣០ភាគរយនៃចំនួន ដែលធ្លាប់ប្រើប្រាស់ដូចសព្វដង ។
ជុំវិញករណីនេះសូមអោយខាងជំនាញ នៃអគ្គីសនីខេត្តតាកែវមេត្តាជួយពន្យល់ អំពីមូលហេតុនេះអោយបានច្បាស់លាស់ផង ? តាកែវ