ប្រើពេលអស់ជាច្រើនម៉ោងទើបអាចបង្រ្កាបបានជនសង្ស័យផ្ទុះអាវុធបាញ់តដៃជាមួយកំម្លាំងនគរបាល​ នៅស្រុកបាទី

តាកែវ៖​ បេីតាមការឲ្យដឹងពីរស្នងការនគរបាលខេត្តតាកែវបានបញ្ជាក់ថា ក្នុងករណីបង្ក្រាបគ្រឿងញៀននេះសមត្ថកិច្ចប្រើពេល ជាង៣ម៉ោងកន្លះ បន្ទាប់ពីមានការផ្ទុះអាវុធ ទើបអាចឃាត់ខ្លួនជនល្មើសបាន នៅវេលាម៉ោង ៣ជាងនៅរសៀលថ្ងៃទី​០៤​ ខែឧសភា​ ឆ្នាំ​២០១៩​ ដោយឃាត់ខ្លួនជនសង្ស័យបានមួយនាក់ ។

សូមបញ្ជាក់ដែរថា ក្នុងការចុះបង្ក្រាបនេះដែរកំម្លាំងនគរបាលក្រសួងមហា​ផ្ទៃ សហការជាមួយ​ កំម្លាំងនគរបាល​ស្នងការដ្ឋាននគរបាលខេត្តតាកែវ​ ដឹកនាំបញ្ជាផ្ទាល់ដោយ​ លោកឧត្តមសេនីយ៍ទោ​ សុខ​ សំណាង​ ស្នងការនគរបាលខេត្ត​ ចុះបង្រ្កាបករណីជួញដូរគ្រឿងញៀនទ្រុងទ្រាយធំ​ នៅភូមិក្រាំងក្រចាង​ ខាងជើងវត្តពោធិ ឃុំពារាម ស្រុកបាទី ខេត្តតាកែវ។

ក្រោយមានការផ្ទុះអាវុធកំម្លាំងជំនាញបានប្រេីប្រាស់គ្រប់មធ្យោបាយ​ ខណៈនេះកម្លាំងជំនាញធ្វេីការបង្រ្កាបបាន ហេីយធ្វេីការឃាត់ខ្លួនជនសង្ស័យបាន​ ១នាក់​ នឹងដកហូតវត្ថុតាងមាន​ កាំភ្លេីងខ្លី១ដេីម​ ដាវសាុំម៉ូរៃ២ដេីម ទូរស័ព្ទ​៤គ្រឿង​ ស្នាប់ដៃ១​ នឹងដកហូតបានថ្នាំញៀនមួយចំនួន។

បច្ចុប្បន្ន​កំម្លាំងជំនាញបាននាំខ្លួនជនសង្ស័យមកកាន់ស្នងការនគរបាលខេត្ត​ ដេីម្បីកសាងសំណុំរឿងបញ្ជូនទៅកាន់សាលាដំបូងខេត្ត​ ចាត់ការបន្តទៅតាមនីតិវិធីច្បាប់៕ តាកែវ