ស្នងការរងនគរបាលខេត្តតាកែវជួបសំណេះសំណាលជាមួយមន្រ្តីនគរបាលថ្មី

ខេត្តតាកែវ៖ ដោយអនុវត្តន៍តាមការណែនាំ និង បញ្ជាផ្ទាល់ពីឯកឧត្តម ឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ។
      នាព្រឹកថ្ងៃអាទិត្យ០៦កេីត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវថ្ងៃទី១០ ខែកុម្ភៈ ឆ្នាំ២០១៩ លោក វរសេនីយ៍ឯក ឃី វណ្ណា ស្នងការរងទទួលផែនការងារ គ្រប់គ្រងធនធានមនុស្ស និង  លោក វរសេនីយ៍ឯក  ឆឹង រតនៈ នាយការិយាល័យបុគ្គលិក រួមទាំង ក្រុមការងារ បានចាត់បញ្ជូនបេក្ខជន បេក្ខនារី ដែលប្រឡងជាប់ ឲ្យចូលបម្រេីការងារក្នុងក្របខ័ណ្ឌមន្រ្តីនគរបាលជាតិ ចំនួន៣៥នាក់ ដេីម្បីចូលរៀនវគ្គបណ្តុះបណ្តាលកម្រិតបឋមវិជ្ជាជីវៈនគរបាលរយៈពេល០៤ខែ នៅសាលាភូមិភាគ៣ ខេត្តកំពង់ស្ពឺ និង បេក្ខជនចំនួន១០នាក់ ទៀតចូលរៀនវគ្គបណ្តុះបណ្តាលថ្នាក់បរិញ្ញាបត្រវិទ្យាសាស្រ្តនគរបាលជំនាន់ទី១០ មានរយៈពេល០៤ឆ្នាំ នៅបណ្ឌិត្យសភានគរបាលកម្ពុជា ក្នុងវគ្គដំបូងចំណោមបេក្ខជន បេក្ខនារីចំនួន៨០នាក់ ស្រី២០នាក់ផងដែរ៕