៦ខែចុងឆ្នាំ២០១៩មកនេះសភាពការនូវតាមបន្ទាត់ព្រំដែនកម្ពុជានិងវៀតណាមខេត្តតាកែវ កណ្តាល ខេត្តអានយ៉ានមានសភាពស្ងប់ស្ងាត់តែសកម្មភាពបទល្មើសផ្សេងៗនូវមានសភាពស្មុកស្មាញ ដូចនេះនគរបាលនៃខេត្តទាំង៣បានលើកយន្តការអនុវត្តបន្តសម្រាប់ឆ្នាំ២០២០ ចំនួន ០៨ចំនុចសំខាន់បន្ថែមទៀតលើកិច្ចសហប្រតិបត្តិការការពារសន្តិសុខសណ្តាប់ធ្នាប់

តាកែវ៖ ថ្លែងនៅក្នុងសន្និបាតបូកសរុបវាយតម្លៃសភាពការណ៏និងលទ្ធផលកិច្ចសហប្រតិបត្តិការរក្សាសន្តិសុខសណ្តាប់ធ្នាប់រយៈពេល ៦ខែចុងឆ្នាំ ២០១៩ និងលើកទិសដៅសហប្រតិបត្តិការរវាងនគរបាលខេត្តអាងយ៉ាង ប្រទេសវៀតណាម និងនគរបាលខេត្តតាកែវ នគរបាលខេត្តកណ្តាល ប្រទេសកម្ពុជា នៅសាលប្រជុំនៃស្នងការនគរបាលខេត្តអានយ៉ាង នារសៀលថ្ងៃទី ២១ ខែមករា ឆ្នាំ២០២០នេះ ស្នងការនគរបាលខេត្តទាំងបី ខេត្តតាកែវ ខេត្តកណ្តាល និងខេត្តអានយ៉ាង បានឯកភាពគ្នាលើកិច្ចសហប្រតិបត្តិការ ដែលបានអនុវត្តកន្លងមកនេះ ហើយក្នុងនោះ ស្នងការនគរបាលខេត្តទាំង ៣ បានលើកទិសដៅសម្រាប់អនុវត្តបន្តលើយន្តការចំនួន ០៨ចំនុណុចសំខាន់បន្ថែមទៀត ដែលត្រូវអនុវត្តបន្ត ក្នុងនោះ

ចំណុចទី០១ ត្រូវផ្លាស់ប្តូរពត័មានអំពីសភាពការណ៏ពាក់ព័ន្ធដល់ការងារបង្ក្រាប បទល្មើស ធានាសន្តិសុខ សណ្តាប់ធ្នាប់តាមខ្សែបន្ទាត់ព្រំដែន សកម្មភាពភេរវកម្ម បទល្មើសឆ្លងដែន បទល្មើសគ្រឿងញៀន និងបទល្មើសជួញដូរមនុស្ស អោយបានរហ័ស។

ចំណុចទី០២ នៅពេលមានបទល្មើសកើតឡើងភាគីទាំងសងខាងត្រូវតែរាយការណ៏អោយគ្នាទៅវិញទៅមក ដើម្បីធ្វើការទប់ស្កាត់និងបង្ក្រាបអោយបានទាន់ពេវេលា ។
ចំណុចទី០៣ ស្រុកនៅជាប់ព្រំដែន បង្កើននៅកិច្ចសហប្រតិបត្តិការ លើការល្បាត ត្រួតពិនិត្យ លើខ្សែបន្ទាត់ព្រំដែន ។
ចំណុចទី០៤ ភាគីទាំងពីរ បន្តជម្រុញការងារឃោសនាអប់រំប្រជាជន គោរពច្បាប់នៃប្រទេសទាំងពីរ នៅពេលឆ្លងកាត់ព្រំដែន និងផ្តល់លក្ខណៈងាយស្រួលជូនប្រជាជនទាំងសងខាងបានទៅសួរសុខទុក្ខបងប្អូន និងទេសចរណ៏ចេញចូល ផ្លាស់ប្តូរទំនិញជាដើម ។
ចំនុចទី ០៥ បន្តធ្វើសេនាធិការជូនដល់ថ្នាក់ខេត្ត ដើម្បីស្នើដល់រាជរដ្ឋាភិបាលប្រទេសទាំងពីរ ជម្រុញការចរចារ ដើម្បីឆាប់បានសម្រេចការងារបោះបង្គោលព្រំដែននៃប្រទេសទាំងពីរ ។
ចំនុចទី៦ ក្រើនរំលឹក និងបញ្ជាដល់ការិយាល័យជំនាញរបស់នគរបាលខេត្តជាប់ព្រំដែនទាំង៣ សហការកសាងផែនការបង្ក្រាបបទល្មើស។
ចំនុចទី ៧ បន្តការងាតយៀមល្បាតនូវតាមច្រករបៀង ប៉ុស្តិការពារព្រំដែន ប៉ុស្តិច្រកទ្វារ និងនូវតាមភូមិឃុំជាប់ព្រំដែន ។ និងចំនុចទី៨ នៅពេលមានករណីស្មុកស្មាញ នគរបាលខេត្តទាំង ៣ ត្រូវផ្តល់ជាពត័មានតាមប្រពន្ធ័បច្ចេកវិទ្យា Email fax telegram WhatsApp ជាមុនដើម្បីងាយស្រួលក្នុងការរៀបចំទុកជាមុន ។
សូមបញ្ជាក់ផងដែរថា នៅក្នុងសន្និបាតបូកសរុបនិងវាយតម្លៃសភាពការណ៏ ៦ខែចុងឆ្នាំ២០១៩នេះ គឺមានការចូលរួម ពីឯកឧត្តមឧត្តមសេនីយ៏ទោ សុខ សំណាង ស្នងការនគរបាលខេត្តតាកែវ និងឯកឧត្តមឧត្តមសេនីយ៏ទោ អៀវ ចម្រើន ស្នងការនគរបាលខេត្តកណ្តាល រួមជាមួយក្រុមការងារប្រតិភូរ និងលោកឧត្តមសេនីយ៏ត្រី ប៊ួយ ប៊ែទឺ ស្នងការនគរបាលខេត្តអានយ៉ាង ។
ជាកិច្ចបញ្ចប់នៅក្នុងអង្គសន្និបាទនេះដែរ លោក ប៊ួយ ប៊ែទឺ ស្នងការនគរបាលខេត្តអានយ៉ាង បានលើកឡើងនូវសកម្មភាពបទល្មើសជាច្រើនដែលកើតមានក្នុងរយៈពេល ៦ខែចុងឆ្នាំនេះ គឺ នៅមានភាពស្មុកស្មាញច្រើន ព្រោះរាល់បណ្តាបទល្មើសព្រហ្មទ័ណ្ឌ សេដ្ឋកិច្ច គ្រឿងញៀន រត់ពន្ធដឹកជញ្ជូនស្ករ មាស រូបិយប័ណ្ណបរទេស គឺនៅតែបន្តកើតមានឡើង មិនតែប៉ុណ្ណោះ ក្នុងនោះក៏មានមុខសញ្ញាជ្រុលនិយមមួយចំនួនតែងតែនាំគ្នាមកតំបន់ព្រំដែនដើម្បីថតរូប វីដេអូ ដើម្បីឃោសនាមួលបង្កាច់លទ្ធផលកិច្ចការបោះបង្គោលព្រំដែន ។ តាកែវ