តាកែវ៖ថ្លែងក្នុងពិធីបើកវគ្គបំប៉នជំនាញបឋមរយៈពេលខ្លីដល់មន្ត្រីប៉ុស្តិនគរបាលរដ្ឋបាលនេះ លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវបាន លើកឡើងថា ក្នុងពេលសិក្សា«វិន័យ និងក្រមសីលធម៍»គឺជាចំនុចសំខាន់ក្នុងការក្រេបជញ្ជក់យកវិជ្ជាពីគ្រូបង្រៀន ដូច្នេះកងកំលាំងនគរបាលទាំងអស់ត្រូវ មានការទទួលខុសត្រូវខ្ពស់ក្នុងនាមយើងជាមន្ត្រីនគរបាលយុតិធម៍ ត្រូវតាមដានស្តាប់ដោយយកចិត្តទុកដាក់ នៅការណែនាំរបស់គ្រូឧទេស អំពីជំនាញ និងច្បាប់នានា ក្នុងពេលដែលយើងចុះអនុវត្តជាក់ស្តែងផ្ទាល់ ។
សូមបញ្ជាក់ផងដែរថា វគ្គបណ្តុះបណ្តាលនិងបំប៉នជំនាញបឋមដល់មន្ត្រីប៉ុស្តិរដ្ឋបាលរយៈពេលខ្លីនេះ មានរយៈពេល ១១ ថ្ងៃ ចាប់ពីថ្ងៃទី ៣០ ខែកញ្ញា ឆ្នាំ២០១៩ ដល់ថ្ងៃទី ១០ ខែតុលា ឆ្នាំ២០១៩ ក្នុងនោះខេត្តតាកែវ មានប៉ុស្តិរដ្ឋបាលចំនួន ១០០ប៉ុស្តិ និងមានមន្ត្រីនគរបាលជាសិក្ខាកាមចំនួន ២៧០នាក់ ។
ឆ្លៀតក្នុងឱកាសនោះដែរ លោកឧត្តមសេនីយ៍ទោ ផាន់ សុផេង អនុប្រធាននាយកដ្ឋានទទួលបន្ទុកកិច្ចការប៉ុស្តិនគរបាលរដ្ឋបាល បានមានប្រសាសន៍ថា អង្គភាពនគរបាលប៉ុស្តិរដ្ឋបាលគឺជាអង្គភាពមួយដែលឋិតនៅក្នុងចំណោមប្រជាជនរាប់ម៉ឺន រាប់សែននាក់ ហើយមន្ត្រីប៉ុស្តិនេះហើយដែលជាអ្នកឋិតនូវជួរមុខ ក្នុងការជួបប្រទះនិងប្រឈមនៅបញ្ហាជាច្រើន ដូច្នេះនគរបាលប៉ុស្តិរដ្ឋបាលត្រូវតែមានសមត្ថភាពខ្ពស់ ក្នុងការចាត់វិធានការ និងការដោះស្រាយបញ្ហាដែលកំពុងប្រឈមជាមួយនិងជនល្មើស និងសេវាកម្មនានាដែលត្រូវបម្រើអោយប្រជាពលរដ្ឋ ម្លេះហើយនៅពេលមានវគ្គបំប៉នជំនាញបឋមខ្លីដល់មន្ត្រីនគរបាលរដ្ឋបាលនាពេលនេះ សិក្ខាកាមទាំងអស់ត្រូវយកចិត្តទុកដាក់ ខិតខំស្វែងយល់ពីគ្រូឧទេស ដែលសុទ្ធសឹងតែជាអ្នកជំនាញ និងឆ្លងកាត់បទពិសោធន៍ ជាច្រើនឆ្នាំ មកបង្រៀន ។ ហើយលោកសង្ឃឹមយ៉ាងមុតមាំថា ក្រោយបញ្ចប់នូវវគ្គបំប៉ននេះ អស់លោកដែលជាមន្ត្រីនគរបាលយុត្តិធម៍ និងយកចំនេះវិជ្ជាទៅអនុវត្តលើការងារប្រកបដោយជោគជ័យ ។ តាកែវ
