រូបសំណាកលួងព្រះស្តេចកន និងរូបសំណាកព្រះបាទជ័យវរ័ន្មទី០៧ ត្រូវបាន ក្រុមអតីតសិស្សវិទ្យាល័យជាស៊ីមតាកែវ ជំនាន់ឆ្នាំ១៩៨៦យកមកតំកល់ក្នុងវិទ្យាល័យជាស៊ីមទុកជាគំរូដល់ក្មេងជំនាន់ក្រោយ

តាកែវ៖ ក្រុមអតីតសិស្សវិទ្យាល័យជាស៊ីមតាកែវប្រមាណជិត១០០នាក់ ដែលរៀននៅជំនាន់ឆ្នាំសិក្សា១៩៨៦ បានរួមគ្នាផ្តួចផ្តើមកសាងឡើងនូវរូបសំណាកលួងព្រះស្តេចកន និងជួសជុលកែលម្អរ រូបសំណាកព្រះបាទជ័យវរ័ន្មទី០៧ នៅក្នុងបរិវេណសាលានេះផ្ទាល់ ។ ពិធីសម្ពោធនេះរៀបចំធ្វើឡើងនៅរសៀលថ្ងៃអាទិត្យ ទី២៧ ខែកក្កដា ឆ្នាំ២០១៩ ។
លោក រិន រ៉ាវី ដែលជាអ្នកផ្តួចផ្តើមកសាងរូបសំណាកទាំងពីរនេះ និងរៀបចំកម្មវិធីឲ្យមានការជួបជុំមិត្តរួមជំនាន់ឆ្នាំសិក្សា១៩៨៦ បានមានប្រសាសន៍ថា ដើម្បីជាការរំលឹកដឹងគុណ និងជាការចងចាំនូវអនុស្សាវីរយ៍ជាច្រើនមិនអាចបំភ្លេចបាន ដែលក្រុមយើងធ្លាប់បានសិក្សារៀនសូត្រក្នុងសាលាមួយនេះ ពិសេសចំពោះលោកគ្រូអ្នកគ្រូបានផ្តល់ចំណេះដឹងដល់ពួកយើងទាំងអស់គ្នា មិត្តរួមជំនាន់បានមូលមតិគ្នា កសាងឡើងនូវរូបសំណាកលួងព្រះស្តេចកន និងជួសជុលកែលម្អរ រូបសំណាកព្រះបាទជ័យវរ័ន្មទី០៧ ដែលមានស្រាប់តែមានសភាពចាស់ នៅក្នុងបរិវេណសាលាវិទ្យាល័យជាស៊ីម ។
លោក រិន រ៉ាវី បន្ថែមទៀតថា ការកសាងរូបសំណាកលួងព្រះស្តេចកន និងជួលជុលរូបសំណាក ព្រះបាទជ័យវរ័ន្មទី០៧ គឺស្មើនឹងការដឹងគុណ និងគោរពគុណដូចជាឪពុកម្តាយយើងទាំងអស់គ្នាដែរ ព្រោះគ្រូគឺជាគុណធម៌មួយដ៏ប្រពៃដែលមិនអាចខ្វះបានឡើយ ពិសេសគឺដើម្បីបញ្ជាក់អំពីទឹកចិត្តកតញូរបស់សិស្សគ្រប់រូបចំពោះលោកគ្រូអ្នកគ្រូ ដែលបានខិតខំបង្ហាត់បង្រៀនសិស្ស ឲ្យមាននូវពុទ្ធិច្បាស់លាស់ប្រកបដោយបញ្ញាញាណ ប្រកបដោយគុណធម៌ សិលធម៌ល្អក្នុងសង្គម និងក្លាយជាទំពាំងស្នងឬស្សីសម្រាប់ប្រទេសជាតិបន្តវេណទៅថ្ងៃក្រោយផងដែរ ហើយម្យ៉ាងវិញទៀតនៅក្នុងពិធីនេះ ក៏ផ្តល់ឱកាសដល់អតីតសិស្សទាំងអស់បានជួបជុំគ្នាសាកសួរសុខទុក្ខ និងបានផ្លាស់ប្តូរបទពិសោធន៍ពីគ្នាទៅវិញទៅមក ព្រោះយើងបានបែកគ្នាអស់រយៈពេលជិត៣៥ឆ្នាំមកហើយ ពិសេសគឺដើម្បីផ្តល់ជូនគម្រូដល់សិស្សប្អូនៗជំនាន់ក្រោយឲ្យគិតគូរ និងធ្វើអ្វីមួយទុកជាស្នាដៃនៅក្នុងសាលារៀនរបស់ខ្លួនសម្រាប់ជំនាន់របស់ពួកគេ និងយុវសិស្ស នួន ជីវម៉េងសិស្សថ្នាក់ទី៧ ច សាលាជាសុីមតាកែវផងដែរ។ តាកែវ

Read More

អ្នកគាំទ្រក្លឹបបាល់ទាត់គីរីវង់សុខសែនជ័យជាង៤០០នាក់ចូលរួមអបអរសារទរក្នុងការបង្ហាញឈុតឯកសណ្ឋាននិងឡូហ្គោក្រុមថ្មី

តាកែវ៖ នៅរសៀលថ្ងៃទី២៧ ខែកក្កដា ឆ្នាំ២០១៩ នេះនៅទីលានបាល់ទាត់គីរីវង់សុខសែនជ័យ ឋិតក្នុងក្រុងដូនកែវ ខេត្តតាកែវ បានរៀបចំពិធីជួបជុំហ្វេនដែលជាអ្នកគាំទ្រ ដល់ក្លឹបបាល់ទាត់គីរីវង់សុខសែនជ័យ ដើម្បីបង្ហាញអំពីឈុតឯកសណ្ឋាន និងរូបឡូហ្គោថ្មី ដល់មហាជនអោយបានដឹងច្បាស់អំពីការផ្លាស់ប្តូរ និងអត្ថន័យនៃរូបឡូហ្គោថ្មីដែលជានិមិត្តសញ្ញារបស់ក្លឹប មានរូបមាន់គកជាន់លើបាល់ ។
ថ្លែងនៅចំពោះមុខអ្នកគាំទ្ររបស់ក្លឹបលោក ឌុក វាសនា អ្នកចាត់ការទូរទៅរបស់ក្លឹបគីរីវង់សុខសែនជ័យ បានមានប្រសាសន៏ថា នេះគឹជាកម្មវិធីផ្លូវការទី ០១ ដែលក្លឹបបានរៀបចំឡើងក្រោមគំនិតផ្តួចផ្តើមរបស់ឯកឧត្តម សុខ ពុធ្ធិវុធ ប្រធានក្លឹប និងឯកឧត្តម សុខ សប្បាយណា អនុប្រធានក្លឹប ដើម្បីជួបជុំជាមួយបងប្អូនប្រជាពលរដ្ឋដែលជាអ្នកគាំទ្ររបស់ក្លឹប ក្នុងគោលបំណងថ្លែងអំណរគុណ និងបង្ហាញជាផ្លូវការនូវឡូហ្គោ និងឈុតឯកសណ្ឋានថ្មីរបស់ក្លឹប ។ លោកបន្តថា ចំពោះបងប្អូនទាំងអស់ដែលតែងតែគាំទ្រយ៉ាងស្មោះស្ម័គ្រ ផ្តល់ជាកំលាំងចិត្ត និងលើកទឹកចិត្តដល់កីឡាករ គឺពិតជាកំលាំងចិត្តដ៏អស្ចារ្យមួយសម្រាប់ក្លឹប លើការខិតខំប្រឹងប្រែងធ្វើអោយបានល្អបន្ថែមទៀត បើទោះបីជាយើងជួបប្រទះបរាជ័យ ឬទទួលបានជោគជ័យក្នុងការប្រកួតក្តី ដែលនេះគឺជាកាយវិការដ៏គួរអោយគោរព និងមានតម្លៃបំផុតចំពោះទឹកចិត្តអ្នកគាំទ្រដល់ផ្តល់អោយកីឡាករ ។
អ្នកចាត់ការទូរទៅរបស់ក្លឹបបានបង្ហាញឡូហ្គោថ្មីរបស់ក្លឹបគីរីវង់សុខសែនជ័យ មានរៀងជាខែលដែលមានរូបសត្វមាន់គកជាន់លើបាល់ ហើយមានផ្កាភ្ញីភ្លើងនៅជុំវិញ ចំពោះអត្ថន័យនៃនិមិត្តសញ្ញាថ្មីនេះគឺមានរូប មាន់គក រចនាទាំងមុខមាត់ ទាំងរាងកាយ គឺជាស្តេចមាន់ ដែលសត្វមានតំណាងអោយភាពក្លាហាន ភាពស្វាហាប់ រហ័សរហួន ភាពស្មោះត្រង់ ចេះប្រុងប្រយ័ត្ន ដែលមានឬទ្ធានុភាពបញ្ញាវាងវៃ ប្រកបដោយវិន័យខ្ជាប់ខ្ជួន ហើយនិមិត្តរូបនេះដែរ ក៏ជារលឹកដល់គុណូបក្ការៈដ៏ឧត្តុងឧត្តមរបស់សម្តេចវិបុលបញ្ញា សុខ អាន ដែលបានជួយឧបត្ថម្ភគាំទ្រចាប់តាំងពីបង្កើតក្លឹបមក ។ ចំពោះរូបជើងមាន់ក្រញុំា បាល់ គឺតំណាងអោយការគ្រប់គ្រងបាល់គ្រប់កាលៈទេសៈនៃការប្រកួតដើម្បីឆ្ពោះទៅកាន់ភាពជោគជ័យ ។
ក្នុងនោះដែរលោក ឌុក វាសនា បានផ្តាច់ញ្ញាថា នឹងខិតខំប្រឹងប្រែងធ្វើអោយបានល្អជាងនេះបន្ថែមទៀត ដើម្បីធ្វើអោយក្លឹបសម្រេចបានជោគជ័យតាមការគ្រោងទុករបស់ប្រធានក្លឹប នៅប៉ុន្មានឆ្នាំខាងមុខនេះ ។ ហើយលោកបានធ្វើការអំពាវនាវដល់យុវជនជំនាន់ក្រោយ ត្រូវតែងាកមកលេងកីឡាអោយបានច្រើន ជាពិសេសកីឡាបាល់ទាត់ ដើម្បីមិត្តភាព សុខភាព និងជៀសឆ្ងាយពីអំពើឧបាយោមុខ និងការសេពគ្រឿងញៀន ។
លោក នូ រតនា និងកញ្ញា សុជាតិតា ជាហ្វេនអ្នកគាទ្ររបស់ក្លឹបគីរីវង់សុខសែនជ័យ បានលើកឡើងថា ក្លឹបគីរីវង់ មានការខិតខំប្រឹងប្រែងច្រើន និងការលេងរបស់ពួកគាត់មានទំរង់លេងល្អជាងមុនឆ្ងាយ និងអាចប្រកួតប្រជែងជាមួយនិងក្រុមខ្លាំងនៅក្នុងលីតកំពូលនៃព្រះរាជាណាចក្រកម្ពុជាយើងបាន ហើយលោកជឿជាក់ថា ក្លឹប ក៏ដូចជាគ្រូបង្វឹក និងមានយុទ្ធសាស្ត្រថ្មីៗល្អៗ សម្រាប់ធ្វើអោយក្រុមទទួលបានជោគជ័យទៅថ្ងៃថខាងមុខ ។ តាកែវ

Read More

អភិបាលស្រុកសំរោងបញ្ជាអោយកំលាំងអាវុធហត្ថចុះឃាត់រថយន្តដឹកដីនិងអាបុលរុញយកមករក្សាទុកក្រោយម្ចាស់ដីនូវតែបំពានលើកិច្ចសន្យាចំនួន៣ដងរួចមកហើយរឿងចាក់ដីលើផ្ទៃបឹងហាមឃាត់

តាកែវ៖ លោក កេត ម៉ៅ អភិបាលស្រុកសំរោងអនុវត្តធម៍ក្តៅ លេងធ្វើការណែនាំបន្តទៀតហើយ ក្រោយម្ចាស់ទីតាំង នូវតែហ៊ានចាក់ដីរំលោភលើផ្ទៃបឹងបទរកា ដែលជាតំបន់ហាមឃាត់ ខណៈដែលម្ចាស់ទីតាំងនៅខាងក្រោយរោងម៉ាស៊ីនផលិតទឹកកកឈ្មោះ អ៉ី មួយ នោះ ត្រូវបានអាជ្ញាធរស្រុកធ្វើការប្រមាន និងធ្វើកិច្ចសន្យា ៣លើករួចមកហើយ តែមិនស្តាប់ឡើយ ។

ការបញ្ជាអោយឃាត់រថយន្ត និងគ្រឿងចាក់ដែលធ្វើសកម្មភាពចាក់ដីចូលក្នុងតំបន់ហាមឃាត់នោះ គឺធ្វើឡើងក្រោមការបញ្ជាផ្ទាល់របស់លោក កេត ម៉ៅ អភិបាលស្រុកសំរោង នៅរសៀលថ្ងៃទី ២៥ ខែកក្កដា ឆ្នាំ២០១៩នេះ ដោយអោយកំលាំងអាវុធហត្ថស្រុក ឃាត់រថយន្តចាក់ដី បាន ១គ្រឿង គ្រឿងចាក់អាប៊ុលរុញ ១គ្រឿង ។
បើតាមសម្តីរបស់បងប្អូនប្រជាពលរដ្ឋដែលរស់នៅជិតខាងក្នុងភូមិព្រៃទទឹង ឃុំសំរោង ស្រុកសំរោង ដែលសូមមិនបញ្ចេញឈ្មោះ បាននិយាយថា ជុំវិញបញ្ហាលួចចាក់ដីលុបបឹងបឹងបទរកានេះ គឺបានកើតឡើងតាំងពីជំនាន់អភិបាលស្រុកចាស់លោក ញ៉ែម ស្រស់ មកម្លេះ ដែលបច្ចុប្បន្ននេះលោកជាអភិបាលស្រុកព្រៃកប្បាស ហើយជំនួសដោយអភិបាលស្រុកថ្មីលោក កេត ម៉ៅ ។ ពលរដ្ឋដដែលបាននិយាយទៀតថា ដីដែលចាក់លុបយកបឹងបទរកានេះ មិនមែនរាប់រយឡានដូចគេនិយាយនោះទេ គឺរាប់ពាន់ឡានឯណ្ណោះ ព្រោះបឹងមានជម្រៅជ្រៅ ហើយបានធ្វើសកម្មភាពចាក់លុបបឹងបានជាធម្មតា មិនដឹងជាគាត់មានខ្សែថ្នាក់នោះទេទើបជាហ៊ានបែបនេះ ។
ក្នុងនោះដែរលោក ខាន់ សុខា អភិបាលរងខេត្តតាកែវ បានបញ្ជាក់យ៉ាងច្បាស់ថា អ្នកដែលហ៊ានចាក់ដីរំលោភបំពានលើអាងស្តុបទឹក និងបំពានលើសេចក្តីណែនាំរបស់អជ្ញាធរនោះ គឺយើងនិងអនុវត្តតាមនីតិវិធី ដោយគ្មានការយោកយល់ឡើយ និងឃាត់យករថយន្តដែលជាមធ្យោបាយដឹកដី និងគ្រឿងចាក់នោះយកមករក្សាទុក ធ្វើការផាកពិន័យទៅតាមគោលការណែនាំ ចំណែកម្ចាស់ដីដែលហ៊ានបំពាននោះ ចាក់នៅត្រង់ណា ចូលតំបន់ហាមឃាត់ប៉ុន្មានម៉ែត្រ គឺត្រូវកាយចេញវិញប៉ុនឹង ហើយនិងចាត់ការតាមនីតិវិធីផងដែរ ។ តាកែវ

Read More

លោកវរសេនីយ៍ឯក ឆឹង រតនៈ​ ស្នងការរង ទទួលផែនការងារគ្រប់គ្រងធនធានមនុស្ស អញ្ជើញប្រគល់ថវិកា២លានរៀល ជូនដល់លោកវរសេនីយ៍ត្រី ញ៉ុក សារិន អតីតមន្រ្តីនគរបាលចូលនិវត្តន៍ នៃអធិការដ្ឋាននគរបាលស្រុកកោះអណ្តែត ត្រូវជាស្វាមីសព លោកស្រី ទៀងសូនីន ដែលទទួលមរណៈភាព

ខេត្តតាកែវ៖ នៅព្រឹកថ្ងៃសុក្រ ១១កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១២ ខែកក្កដា ឆ្នាំ២០១៩ នៅវេលាម៉ោង០៩ និង១៥នាទី លោកវរសេនីយ៍ឯក ឆឹង រតនៈ​ ស្នងការរង ទទួលផែនការងារគ្រប់គ្រងធនធានមនុស្ស តំណាងដ៏ខ្ពង់ខ្ពស់ លោក ឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្ត និងជាប្រធានគណៈកម្មាធិការមូលដ្ឋានសមាគមមិត្តនគរបាលជាតិខេត្តតាកែវ អមដំណេីរដោយក្រុមការងារស្នងការដ្ឋាន លោក អធិការ អធិការរង នៃអធិការដ្ឋាននគរបាលស្រុកកោះអណ្តែត អញ្ជើញប្រគល់ថវិកា២លានរៀល ជូនដល់លោកវរសេនីយ៍ត្រី ញ៉ុក សារិន អតីតមន្រ្តីនគរបាលចូលនិវត្តន៍ នៃអធិការដ្ឋាននគរបាលស្រុកកោះអណ្តែត ត្រូវជាស្វាមីសព លោកស្រី ទៀងសូនីន ដែលទទួលមរណៈភាព

កាលពីថ្ងៃទី២៥ ខែមីនា ឆ្នាំ២០១៩ ដោយ(ជម្ងឺលេីសឈាម) ស្ថិតនៅភូមិរមេញខាងជើង ឃុំរមេញ ស្រុកកោះអណ្តែត ខេត្ដតាកែវ។
       ថ្លែងក្នុងឱកាសនោះដែរ លោក វរសេនីយ៍ឯក ស្នងការរង បានសំណេះសំណាលជាមួយក្រុមគ្រួសារសព ហើយបានពាំនាំនូវការផ្តាំផ្ញើសាកសួរសុខទុក្ខ និងចូលរួមរំលែកទុក្ខ ពីសំណាក់ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានកិត្តិយសសមាគមមិត្តនគរបាលជាតិកម្ពុជា ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានគណៈកម្មាធិការកណ្តាល សមាគមមិត្តនគរបាលជាតិកម្ពុជា និងលោក ឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ និងជាប្រធានគណៈកម្មាធិការមូលដ្ឋានសមាគមមិត្តនគរបាលជាតិ នៃស្នងការដ្ឋាននគរបាលខេត្តតាកែវផងដែរ៕

Read More

ក្តៅពលរដ្ឋក្នុងស្រុកអង្គរបូរីព្រួយបារម្មណ៏ខ្លាំងខណៈជ្រូកងាប់ជាបន្តបន្ទាប់ហើយគ្មានពេទ្យសត្វជំនាញនិងអជ្ញាធរចុះមកពីនិត្យ

តាកែវ៖ក្រោយមានលិចលឺដំណឹងថាមានឈ្មួញលួចនាំជ្រូកពីប្រទេសវៀតណាមចូលតាមច្រករបៀងស្រុកអង្គរបូរី ឥឡូវនេះប្រជាពលរដ្ឋរស់នៅ ភូមិអំពិល ឃុំពន្លៃ ស្រុកអង្គរបូរី ខេត្តតាកែវ បានបង្ហោះសារតាមបណ្តាញសង្គមហ្វេសបុកនាថ្ងៃទី ០១ ខែកក្កដា ឆ្នាំ២០១៩នេះថា មានករណីជ្រូកងាប់ជាបន្តបន្ទាប់ តែនៅមិនទាន់ដឹងពីមូលហេតុអ្វីឡើយ ។ នេះបើតាមការអោយដឹងពីការបង្ហោះជាសារតាមបណ្តាញសង្គមហ្វេសបុករបស់គណនីឈ្មោះ Dou Ath  និយាយថា   ភូមិអំពិល ឃុំពន្លៃ ស្រុកអង្គរបុរី ខេត្តតាកែវ ថ្ងៃទី ០១ កក្កដា ២០១៩ ជ្រូកងាប់បន្តគ្នាដឹករល់ថ្ងៃ រកមូលហេតុពុំឃើញ ហើយអត់មានអាជ្ញាធរឬ បសុពេទ្យ អន្តរាគមទេ តើអាចឆ្លងមកដល់មនុស្សឬទេ? ។ ពាក់ព័ន្ធជាមួយនិងករណីនេះដែរសូមអោយសមត្ថកិច្ចជំនាញ និងអជ្ញាធរពាក់ព័ន្ធ ជាពិសេសមន្ត្រីបសុពេទ្យ ហៅពេទ្យសត្វ គួរតែចុះពីនិត្យជាបន្ទាន់ ជៀសវាងមានការឆ្លងរាលដាលធ្វើអោយមានការខាតបង់ទ្រព្យសម្បត្តិរបស់ប្រជាពលរដ្ឋ ហើយឥឡូវនេះពួកគាត់កំពុងមានការព្រួយបារម្មណ៏ខ្លាំង លើការឆ្លងរាលដានលឿនពីសត្វទៅសត្វ និងមានការក្លាចឆ្លងពីសត្វមកមនុស្ស ។ តាកែវ

Read More